ജീവിതത്തില്‍ മധുരിക്കുന്ന ഓര്‍മ്മകള്‍ സമ്മാനിക്കുന്ന കാലം, കൌമാരം , യൌവ്വനം , കാലങ്ങള്‍ക്ക് ശേഷം തിരികെ കിട്ടുവാന്‍ ആഗ്രഹിക്കുന്ന പ്രായം .സംഭവബഹുലമായിരുന്നു എന്റെ ആ നാളുകള്‍, അക്കാലത്തു എന്റെ കലാലയ ജീവിതത്തില്‍ പറയാതെ പോയ ഒരു പ്രണയം ഉണ്ടായിരുന്നു , എന്റെ നാട്ടുകാരി , നല്ല പൊക്കമുള്ള ഇരുനിറക്കാരി ......പഠിക്കാന്‍ സമര്‍ത്ഥയായിരുന്നു അവള്‍.സ്വപ്നങ്ങള്‍ നെയ്തു കൂട്ടിയ വരാന്തകളിലൂടെ അവളെ അനേഷിച്ചു നടന്നതും , ഇഷ്ടമാണന്നു പരസ്പരം തിരിച്ചറിഞ്ഞിട്ടും ഒരു വാക്കുപോലും ഉരിയിടാതെ , കലാലയ ജീവിതത്തിന്റെ പടികളിറങ്ങിയപ്പോള്‍ വച്ച് നീട്ടിയ ഓടോഗ്രഫില്‍ അവള്‍ ഇങ്ങനെ കുറിച്ചു, ചിതലരിച്ചു പോയേക്കാവുന്ന ഈ വരികള്‍ക്കപ്പുറം എന്റെ മനസ്സില്‍ ചിതലരിക്കാത്ത സ്വപ്നമായി അവശേഷിക്കും. കാലം അതിനു തോന്നുംപോലെ നടന്നും ഓടിയും പോയികൊണ്ടിരുന്നു . ഒരിക്കല്‍ ഒരു സായാഹ്ന സവാരിക്കിടയില്‍ വീണ്ടും അവളെ കണ്ടു മുട്ടിയപ്പോള്‍ അവളുടെ കണ്ണുകളിലൂടെ ഞാന്‍ കാണുകയായിരുന്നു ചിതലരിച്ചുപോയ ഒരു സ്വപ്നം ................
